吾講你知 2005年11月23日
自從愛上攝影, 就注定一生也會渴望旅行。
一直很希望可以透過自己的眼睛和鏡頭親身去體會這個世界。
近至台灣,日本, 神州的黃山, 九寨溝, 西藏……………..
遠至羅馬, 澳洲, 威尼斯, 德國, 愛琴海……
無一不是我想去的地方。
我相信有機會的話我一定會去環遊世界,
不必坐擁身家百萬, 只需要有一雙手一雙腿,
邊旅行邊做工也許可以實現這個夢想。
(0)
吾講你知 2005年11月19日
人越大, 越感受到香港的生活節奏有多快。
香港人做任何事總是衝衝忙忙, 凡事講求效率, 根本沒有一刻停下來留心這個世界,
我卻不太喜歡這種感覺.
在周末的下午, 我還是喜歡沖一壺清茶, 準備幾件甜點, 邊聽音樂邊看書, 一個人靜靜的思考.
如果可以加上無敵海景, 鳥語花香, 微微涼風, 簡直一流。
(18135.jpg )
吾講你知 2005年10月31日
近幾日心情好差, 可能因為接近al考試, 又可能因為身邊既人和事都唔如意,
不過世事往往就係出乎我地意料之外, 今日夜晚補完習搭小巴返屋企時,
o係小巴上聽到電台播左一首「紅日」, 雖然聽過無數咁多次,
但係呢一刻再留心聽每一句歌詞, 發覺真係好有味道
突然間, 我覺得自己又再充滿力量
因為我知道, 無論面前有咩困難, 無論身邊既人點樣對我
永遠有一個人會o係我背後支持我, 永遠會有一個人陪住我
老婆, 我愛你^^
紅日曲:立川俊之 詞:李克勤 編:方樹樑
* 命運就算顛沛流離 命運就算曲折離奇 命運就算恐嚇著你做人沒趣味 別流淚 心酸 更不應捨棄 我願能 一生永遠陪伴你 * Repeat *
# 一生之中兜兜轉轉 那會看清楚 徬徨時我也試過獨坐一角像是沒協助 在某年 那幼小的我 跌倒過幾多幾多落淚在雨夜滂沱 一生之中彎彎曲曲我也要走過 從何時有你有你伴我給我熱烈地拍和 像紅日之火 燃點真的我 結伴行 千山也定能踏過 讓晚風 輕輕吹過 伴送著清幽花香像是在祝福你我 讓晚星 輕輕閃過 閃出你每個希冀如浪花 快要沾濕我 # Repeat * # Repeat * five times
吾講你知 2005年10月30日
我小時候很愛吃甜, 愛喝汽水, 愛吃糖, 愛吃冰棒……
但人越大, 越少吃甜吃, 反而漸漸愛上了「苦」,
愛吃黑朱古力, 愛喝茶, 愛喝咖啡……
人生, 只有經歷過才懂得欣賞。
吾講你知 2005年10月26日
身邊好多人都好「假」, 好「扮o野」
扮型, 扮寬宏, 扮勁, 扮中立, 扮客觀, 扮無事……總之扮乜都有, 仲要扮得假到無人有
都唔明有乜好扮,
扮得好有錢賺? 當自己明星呀?
望住呢d「扮野大師」、「偽演員」,
真係要大呼:「吹漲!」
音樂 2005年09月05日
今日係信和十樓買左兩隻cd~~
一隻係陳潔麗 - 醉花蔭, 一隻係亞明 - 某天．某地．某人
買陳潔麗隻碟因為聽過好多人話佢好,
又話幾十蚊一隻碟,但錄音錄得好好
所以就買左返黎, 相信好多人聽過…唔講廢話
要推介既係阿明呢一隻
話說某晚我訓唔著o係網上遊蕩,
去到一個blogs有play list 播歌, 佢播緊既正係亞明既歌
呢個歌手把聲好滄桑, 再加上佢接近清唱,又完全唔跟原唱既演繹,
令我深深著迷, 對我黎講,係正宗既百聽不厭
o個晚兩點幾一聽…就聽到天光
但我對呢個歌手一無所知, 淨係知道佢叫亞明,
我亦一度以為呢個係一個網上歌手
直至今日…o係汒汒碟海中, 竟然俾我見到呢隻碟, 睇睇d歌名
唔駛問一定係我聽過既o個個亞明
即買!
之前聽既係勁壓mp3, 而家終於有隻碟係手
正 
我自己最愛既係 雪中情 同 埋風繼續吹
真係好正…>
隨手寫 2005年08月22日
本文原張貼在我班與中化老師聯絡的留言版
筆者當然是我，東少。
我一直有看書的習慣，這要歸功母親大人，她自我小時候便買很多書給我（簡繁體書皆有），
又常帶我到圖書館借書，培養了我對文字的興趣，更令我學會閱讀簡體字。
我每年也會到書展逛逛，但很少買書，因為實際上沒有便宜多少。這兩年書展多了很多內地出版
社參加，因此得益不少，亦不得不在書展時「大出血」。
或者很多人聽到內地出版的書籍，第一個反應是價廉但未必物美，但假若你有留心內地出版社所
出版的書籍，你對內地出版的書籍一定會改變看法。一本內地出版，印刷、包裝跟台版一樣的相
集，價格竟可相差三百大元（八十元和三百八十元之差），而且品質絕對沒有絲毫分別。那有甚
麼理由不買呢？
言歸正傳，本文想向大家推薦一本我在書展買到的書，是錢穆先生的《人生十論》。本書初編成
在１９５５年夏，這本０４年新版又加入了錢先生的兩篇講辭。
本書主要所講的是錢先生對人生的一些體會，例如當中有人生三路向、如何完成一個我等題目。
雖然本書的文章撰寫於１９４９至１９５４年間，距今已有５０年時間，但書中的內容絕對未跟
我們脫節，當中的道理和分析十分精確，很多概念都很清楚，一針見血，我一看便捨不得放下。
我認為各位同學應該要看一看這本書，我相信不但對中國文化及語文科有幫助，而且對我們的成
長有很多裨益。
本書是廣西師範大學出版社出版，全書以簡體字印刷，內地定價１５元，
我在書展時買了４５元呢……
有興趣的同學可以到各大書局找找，不過我不知道能不能找到。我亦願意借出我手上的一本。
現在真的很後悔當時沒有買錢先生的另外一本著作－－晚學盲言，相信會同樣精彩。
０５年８月２２日
