隨手寫 2008年06月06日
兩年副學士生活之後，終於修成正果。
9月我就是城大bba hrm的學生，難以置信，哈。
(0)
吃喝玩樂 2008年03月19日
尋日生日去左AMC又一城睇No country for old man
套戲真係好好睇
係一套非常之咁需要用腦既戲
不過我覺得佢個中文戲名改得好差
中文名「二百萬奪命奇案」完全無晒原名既精華…..
個英文名講既先係主線, 你O個個只係榥子= =
如果入場前無留意個英文戲名真係會俾佢呃晒
以下係我既一D 感想 , 由於係newgroup一D 同人討論既片段剪貼出黎
未經整理, 比較亂
===============內含大量電影內容===================
首先想講Anton同Llewelyn. 我覺得導演有心令佢兩個人好多遭遇好似
但又有唔同結果, 以顯示出唔同既層次
例如, 兩個人都係獨行獨斷,
兩個都有殺狗, 兩個都坐順風車, 兩個都成物血時俾錢人買衫,兩個中左槍都O係屋企自己搞掂等等等…
至於點解咁做, 首先要提埋Tommy Lee Jones
明顯地, Tommy Lee Jones就係戲名中提到既old men
如果大家有留意, 雖然單案係佢跟, 其實佢好多野都無做到
例如, D人返去現場, 佢次次都無去到,次次都推左
我自己就覺得成件事
係一個old man去睇而家既世界
當你年紀越大, 你就會發現對呢個世界越無力(Tommy Lee Jones口中提過幾次)
最後就靜靜退落黎, 而死亡就係old man既最後去處, 即係no country for old men
亦係所有人既最後去處
我覺得佢帶住個後生的警員都有呢個意思Tommy Lee Jones有話過幾次, 我以前會咁咁咁
其實暗示後生警員以後都會變old man, 大家都係無分別
我覺得導演想借Anton同Llewelyn黎講而家呢一代人,為左錢(或者其他野)而追逐,
而且佢地都唔知點解要咁做, 或者係無目的地追
好似Liewelyn個老婆同Anton講咁, you don't have to do this
士多一場, Anton同老闆講野O個到, 我覺得有兩樣野可以表達到
第一樣野, 係呢一代人對上一代人既不滿
佢地成日去批評上一代人做既事, 但其實自己先係最奇怪
第二樣野, 可以睇到Anthon係一個好有原則既人
最後一段對白, Tommy Lee Jones個夢, 第二個夢我有兩種諗法
第一種:佢話夢入面佢阿爸後生過佢, 好快就超前左佢
O個個又凍又荒蕪既地方就係呢個世界
佢阿爸超前左佢, 即係講緊佢自己跟唔上潮流(因為老豆後生過佢)
第二種:O個個地方仍然係暗示緊呢個世界
佢阿爸超前佢即係佢阿爸比佢行先一步過左身
Tommy Lee Jones講左句,我知道無論點, 佢都會等我
即係話我知道我始終都會死, 會去見佢
Anton有句對白係話, 「跟D規則係無用既, 如果D規側有用你就唔會搞成而家咁」咁上下意思
佢一直堅持自己既原則, 不惜亂殺人你睇佢係變態殺手, 但從佢同士多老闆對話入面睇得出佢係一個好堅持既人, 佢唔鍾意人地唔知自己想點
佢去問 Liewelyn係邊到返工時, 個女人好堅持死都唔話俾Anton知, Anton見佢咁堅持, 可能出於欣賞, 就無殺佢
殺人好可能只係佢維持自己堅持既做法
然後最後O個幕佢就係因為無堅持自己既原則而出事
佢見到兩個細路, 根據佢射烏鴉既前科, 佢應該係想射佢地(鏡頭有影佢望住兩個細佬)
但諗諗下無射到…呢一刻, 佢無堅持到自己既原則
之後佢見到綠燈就渣車過, 佢呢一刻佢又變左遵守規則
於是乎就發生車禍
我覺得演係想講
:「就算你係人地眼中係點樣既人, 堅持自己原則先可以引領你去到最終既勝利」
年青人看大世界 2008年02月16日
尋日香港警方(定抑或叫香港驚慌, 香港驚柒好呢?)終於再次將鍾亦天提堂, 而鍾先生亦當場無罪釋放。
講起就好笑, 如果唔係明報將有關相片送去淫審處檢查, 或者鍾亦天真係要坐8星期冤獄。
當初警方向全香港市民講, 鍾先生一貧如洗, 欠下五十萬卡數, 有犯罪動機, 所以扣留佢。
到左第二日, 因為民意強烈反彈, 警方又補充話相信鍾先生涉及訛騙。
但奇就奇在, 警方在首次將鍾先生提堂之時, 無檢控鍾先生訛騙一罪, 即是話, 警方手上無任何証據証明鍾先生涉及訛騙, 簡單而言, 即係吹水啦!
笑料一單接一單, 到左庭上, 原來相關相片未送交淫審處, 即係警方告乜都未知, 於是申請押後審判,
但呢個裁判官竟然以案情嚴重為理由, 不准鍾先生保釋, 變相未判先坐8星期。嘩…咁駛乜立23條?
香港法制新知1 : 只要你係一貧如洗, 簡單講, 只要你窮, 而你屋企有菜刀, 咁警方就有理由相信你有犯罪動機而拉你返差館。
雖然警方唔知可以告你D乜, 不過可以先將你提堂, 夾埋裁判官押後審訊一年半載, 然後以案情嚴重為由, 不准保釋, 恭喜晒, 你仲衰得不明不白過程祥。
結果O係各界齊心大力聲討香港警方後(包括蘋果, 明報, 東方, 香港網民..)
警方仍然無動於衷, 堅持自己無錯。
直至明報將有關相片送檢, 廣大市民先知道, 原來警方一直無將相關相片送檢, 亦即是話, 其實8星期後都唔知要告鍾先生乜野。
淫審處經既定程序檢查相關相片後, 認為當中並非全部係淫褻照片。
呢個時候, 仲未訓醒既黃福頭及特警成, 先至拿拿臨補鑊, O係拘捕鍾先生15日後再次將鍾先生提堂。
香港法例新知2 : 「任何人未判罪之前都係清白」呢個法律精神已經唔適用於香港。以往係控方搵証據去起訴被告, 而家變左係辯方搵証據去証明自己清白, 真係想講句, 香港法治已死。
案件入面, 如果唔係明報將相片送檢, 警方同律政司真係鍾意扣留鍾生幾耐就幾耐, ( 福頭: 「我係都唔拎D相去送檢, 你吹咩?」)
到左提堂之日, 即係尋日, 警方因為連告都告錯(張貼不雅物品只要有警告字句並不犯法), 律政司於是撤銷控罪, 法庭判鍾先生無罪釋放。(鍾生已經坐左15日冤獄)
咪住咪住, 又話鍾先生涉及訛騙既? 點解唔告? 哦, 原來得個講字。
香港警方衰開有條路, 當然唔會就咁俾呢單鬧劇完結, 福頭立即就召開記招, 將故事帶上高潮!
福頭O係記招到話, 「我地警方仍然認為有關相片係淫褻, 並不認同淫審處既結果。」
(喂, 人地係審裁處, 假假地都係法庭, 有既定程序審判,言下之意, 警方大過法庭?咁唔駛淫審處啦, 你審埋佢咪算囉)
福頭又話「我地問過既審查員, 都唔知點解D相片唔係淫褻。」
(咁如果你問過D路人甲乙丙, 話唔知點解葉繼歡要坐監, 係咪應該放返佢出黎??)
最搞笑係, 福頭話鍾先生係被捕當日都認左自己係張貼淫褻物品。
(咁以後駛乜法庭?唔怪得謝檸檬可以頂包啦, 是但搵條友認左自己做既, 就唔駛審了。又想問問福頭, 佢係點認呢? 你係問佢:「你係唔係貼左淫相上網?」定係問佢「你覺唔覺張相入面條女好淫?」,
鍾先生非法律界人士, 佢連淫褻同不雅都未識分, 當然, 唔識分既包括你黃福頭, 點解佢話係淫褻就係淫褻, 淫審處話係淫褻就唔係淫褻??)
香港法例新知3 : 原來警方係可以公開, 肆無忌彈, 不知廉恥地公然挑戰香港法律。作為執法人員, 香港警方而家更擁有釋法權,以及有權力去公開質疑法庭判決。香港係講法治既地方?你OUT左啦!
最後, 東少要多謝陳冠希既自拍照, 令廣大香港市民可以認清香港警方既咀臉。
年青人看大世界 2008年02月11日
近日既淫照事件, 主角除左係相中各個主角之外, 矛頭更直指香港警方。
警方一反常態, 以高調、高姿態、高效率以及低智慧, 三高一低既作風黎處理呢件案件。
突然間閃出一百幾十人的警力來調查呢單案(之前成日話警力不足嫁喎?),
更準時開記招, 驚死你話佢無做野。
一哥特警成更不惜公開出言恐嚇香港市民, 連藏有一張淫照都「可能」犯法。
東少而家先知, 原來香港警察係擁有釋法權的, 真係活到老學到老。
廣大網民對於林建岳超速一事記憶猶新, 呢頭又整單咁既事, 想我地當無事先難。
於是有網友分別發起二一零大遊行與及籌錢登報(www.article23.net)
我當然唔係一個花生客, 正所謂有錢出錢有力出力,
東少先捐$50支持登報(今日蘋果的警字兩個口廣告, 名單最右上角就係我名XD)
更o係今日連埋朋友去參加遊行。
其實東少出發前對於呢個遊行真係無乜大期望,
雖然搞手成功拎到警方既不反對通知書, 各份報章又一齊幫忙宣傳(神奇到蘋果同東方同一陣線, 都咪話唔驚)
但早前長毛的遊行「吹雞」得30人出席, 籌錢登報又由十幾萬變一萬,
廣大網民既吹水值, 縮沙指數及食花生能力真係毋庸置疑。
不過, 做人要有自己既原則, 我話過去, 就一定會去。
下午一點去到維園, 見現場好似得廿幾人, 堆晒橫額在地上, 一大堆記者圍住搞手等人,
我同朋友心諗, 唔係真係咁多人縮沙掛?
到點半正式起行, 一睇返後面, 竟然唔見龍尾, 原來都唔少人參加, 只係無圍埋黎企埋一齊。
起初警方只係開放行人路俾我地, 但由於人數比預期多出太多, 結果未行出銅鑼灣已經開左一條行車線俾我地行。
是日叫得最順口既口號就係「法律面前, 窮人含忍」(當然好多人讀左第二個音…xd)
而另一樣幾驚訝既, 竟然今日都幾多女孩子企出黎, (各位o係屋企食花生既人士, 請你認真諗下, 點解人地都企出黎, 你唔企?)
結果好順利地, 3點鍾準時到達中區警察總部。
最後今日人數係, 官方:五百人, 警方:二百五十人, 我自己估計, 就大約三百至四百左右。
呢個結果真係非常滿意, 今日年初四都仲有好多人要拜年, 或者唔o係香港,
我自己都有8個朋友想去而去唔到的, 仍然有呢個人數, 証明呢個世界仲有d唔係得把口既網民。
希望, 一哥真係聽到我地既聲音;
希望, 以後大家唔好再做花生客!!
—————————-
是日相片:
呢一張相, 我企o係隊伍大約1/3至1/2位置影向隊尾, 就相片可見, 人龍都有返咁上下長
網民自制橫額, 一流!(相信係高登爸打!xddd)
其他相片:
http://www.fotop.net/tonyk3388/080210
年青人看大世界 2008年02月03日
近日既藝人色情照片風波, 竟然向左一個意想不到既方向發展。
由於警方對事件高度、甚至過度重視, 不惜調動一百人調查案件,
又夾埋律政司、法庭實行未審先判, 以不準保釋作另類刑罰。
導致網民人心惶惶, 亦對香港法律面前, 窮人含_既情況忍無可忍。(最近一單可見林建岳超速事件)
東少對呢件事亦非常睇唔過眼, 我聽到新聞話拉左那個人不可保釋8星期時, 真係當堂_左出聲。
警方今次既選擇性執法實在令人難以接受。
我既理由如下:
1.警方對於好多其他案件都以人手不足為理由推卸責任, 但呢次竟然神奇地一野就搵到100人, 唔通有錢人報警, 會有特別優待? (其實都唔駛問, 有眼睇)
2.有關相片未交淫審處審批, 係淫褻定不雅都未知, 簡單而言係告乜都未決定, 就拉左先算
3.警方竟然係拉左人, 先聯絡當事人(細J EDC等人)落口供, 唔係掛? 即係D相真定假都未知, 告咩?
4.香港法律係疑點利益歸於被告, 即任何人被控刑事, 都係律政司搵証據証明佢有罪, 而唔係被檢控者搵証據証明自己清白, 基於呢個原則, 點解警方可以隨便拉人, 而又唔俾人保釋呢?
5.不久之前有一單強姦案疑犯亦能保釋, 另一單商人拍下三名未夠16歲女童性交片段案件, 法官指案情嚴重, 但亦准許疑犯保釋外出。今次淫相事件, 貼相者無做過任何恐嚇, 亦無傷人殺人, 點解竟然會唔俾保釋?
為左出一分力, 而唔係得把口講
我2月1號晚O係香港討論區寫左一封E-MAIL,
寄左去社民連, 公民黨及香港獨立傳媒尋求協助。
亦有唔少網友借用我既E-MAIL SEND左去俾立法會議員、報社等。http://www12.discuss.com.hk/viewthread.php?tid=6358379&extra=page%3D2
好高興社民連的長毛發起遊行
今日我封MAIL既內容亦得東方及蘋果作部分轉載。
除左呢樣野外, 我會繼續用我既方法去對警方既行動作出抗議。
另外, DISCUSS及高登亦分別有網民發起籌錢活動,
希望可以登廣告表達不滿, 以及嘗試幫第一位被拘捕人士請律師。
但由於立法會議員涂謹申已回覆其中一名網友, 指會幫助被捕人士及提供法律咨徇,
所以相信該次籌得款項會全數用作登報用途。
現在籌款數字已有十多萬, 東少亦會捐獻$100以示對警方不滿。
有興趣可以到呢個網站 : http://article23.net/
大家對呢件事有興趣既, 可到以下網站, 或者可以MSN東少討論下。
==================
引發起我寫E-MAIL的討論
http://www12.discuss.com.hk/viewthread.php?tid=6355120&extra=page%3D1
籌款登報, 以及發起高登, UWANTS及DISCUSS大集合的網站
http://article23.net/
涂謹申議員之回覆
http://www23.discuss.com.hk/viewthread.php?tid=6364642&extra=page%3D3
年青人看大世界 2007年12月21日
如果醫生告訴你, 現在你的生命只餘下三到六個月, 你會怎樣渡過你生命中餘下的日子?
或許你會覺得這是一個很老套的問題, 但這個老套的情況卻在Randy Pauch身上發生了。
Rany Pauch是美國卡耐基美隆大學(Carnegie Mellon)的一位年輕教授, 他是一個風趣幽默而且極受歡迎的Computer Science教授。
2006年, 年僅46歲的他, 被發現得了癌症。而且是最難醫治的胰臟癌。
在經過一年的治療, Randy的情況似乎有所好轉。
但好景不常, 在2007年的8月, 醫生檢驗出Randy的癌症已經擴散, 而且估計只能多活三到六個月。
如果你是Randy, 你會怎樣做?
Randy就選擇了以黑色幽默的方式來渡過他人生的最後一段時光,
他選擇了以笑容來渡過這段時間, 也是他這輩子過生活的方式。
2007年9月18日, Randy在卡耐基美隆大學舉行了一場演講, 就是這場演講, 令我認識了這個人。
華爾街電子日報報導了這場演講, 由有心人放上了YOUTUBE,
然後我在YOUTUBE看到了相關報到, 在GOOGLE上搜尋他的名字, 最後找到了這場演講的錄影。
看畢長達一小時四十分鍾的演講, 我很感動, 真的很感動。
我認為每一個人都值得花這些時間去看一次這個演講,
這是的聽過最風趣幽默, 也是最真誠的演講…..
連結:
———————————————————————————————
朱學恆的路西法地獄 - 說好了這一刻不掉眼淚……Randy Pausch的最後一堂課
http://blogs.myoops.org/lucifer.php/2007/11/08/randypausch
非想感謝該網作者朱學恆, 我就是從這篇網誌了解到Randy的背景, 該作者也翻譯了Randy的演講。
在看Randy的演講之前, 我建議大家先看了這篇網誌, 作者的文筆比我好得多(這個是當然的…XD), 對Randy的介紹也很詳盡!
P.S. 就在看完這篇網誌的第二天,湊巧在PAGE ONE打書釘,湊巧走到了一個我極少到的角落,
湊巧拿起了一本魔戒電影的設定集,湊巧讓我看到譯者是朱學恆, 這個世界還真是湊巧…
———————————————————————————————
Wall Street Journal Online有關Randy的報導
要是看過了以上的網誌就不用看了, 因為作者已經放了在網誌內。
———————————————————————————————
Randy演講的錄影片段, Youtube版本 (感謝朱學恆的翻譯)
1/11
http://hk.youtube.com/watch?v=HoSccncEIO8
2/11
http://hk.youtube.com/watch?v=2bJ0EGK4R4k
3/11
http://hk.youtube.com/watch?v=PzjFiOflyIU
4/11
http://hk.youtube.com/watch?v=b2bXR4LdoW8
5/11
http://hk.youtube.com/watch?v=cgdbOxzYshE
6/11
http://hk.youtube.com/watch?v=kv1SCw8C4Xk
7/11
http://hk.youtube.com/watch?v=oHdf3VWhgdI
8/11
http://hk.youtube.com/watch?v=ncaZH9f5ajQ
9/11
http://hk.youtube.com/watch?v=iLTdqaBY9So
10/11
http://hk.youtube.com/watch?v=b3m3AwXuBTQ
11/11
http://hk.youtube.com/watch?v=WylmEJ96Kpc
———————————————————————————————
Randy演講的錄影片段整段下載 (感謝朱學恆的翻譯)
要是看完網頁的說明也不明白字幕的用法, 歡迎聯絡我
http://www.myoops.org/twocw/independent/
———————————————————————————————
Randy Pausch的個人首頁
http://www.cs.cmu.edu/~pausch/
———————————————————————————————
Randy Pausch的抗癌進度
http://www.cs.cmu.edu/~pausch/news/index.html
Randy Pausch的抗癌進度中文翻譯 (感謝譯者朱學恆)
http://blogs.myoops.org/lucifer.php/2007/12/16/randypausch2
———————————————————————————————
後記:
當我在看Randy的演講時, 心中就想著一定要在BLOG上介紹這個人, 我覺得Randy的一生和這個演講對我們會有很多啟發,
亦想讓更多人學會Randy的人生哲學, (某程度上這也是向Randy致敬的一個方法)
但當我真正開始動手時, 我才發現這是件非常非常困難的事。
我改了又改, 花了很多時間才寫下這篇短短的網誌。
當你要動筆去介紹一個很偉大人, 或是一件很美好的事, 你會發覺很難去忠實表現出那個人/那件事的本質。
於是我放棄了, 我決定用最簡單的方法介紹Randy。
希望大家都能從Randy身上學會了甚麼。
亦在此祝願Randy能夠戰勝癌魔, 讓他能夠繼續幫助別人。
科技網絡 2007年11月08日
Web 2.0一詞越吹越風行, 各大科技網絡公司紛紛推出Web2.0的相關應用,
好聽一點, 是百花齊放, 但同時也令人眼花遼亂。
以筆者為例, 筆者正在用Macbook PRO, 也有win XP的desktop, 加上Flickr和Picasa, Yahoo,Hotmail和Gmail, ISP mail.
還有BLOG和付費相簿, 一大堆的東西, WEB2.0怎樣幫助到我呢?
在MAC上, 少不免要SAFARI + Firefox兩者同時使用, 有時為了登入某些網站, 更要boot回windows用IE。
好了, bookmark自然就亂作一團, 怎辦? 沒問題, 有del.icio.us,
這個網站同時支援SAFARI, Firefox和IE 匯入bookmark,
以後即使在學校臨時要上網找資料,也不用擔心bookmark在家的電腦而手足無措。
可是以後要bookmark就要做兩重功夫, 先在最常用的SAFARI bookmark一次, 再到del.icio.us bookmark一次,
或者你會問, 直接在del.icio.us bookmark一次不可以嗎? 可以, 但使用上卻比不起SAFARI內置的bookmark方便。
好了, bookmark問題解決, 又到RSS了, SAFARI, Firefox, IE7也內置RSS功能, 可是還是老問題,要是不是用自己電腦, 又怎辦?
這個好辦, YAHOO, Google和 Windows live也新增了RSS功能,當中iGoogle應當是最好用的了。
解決了RSS, 解決了BOOKMARK, 到行事歷的問題。
GOOGLE有行事歷, YAHOO也有行事歷, MAC有iCal, windows有outlook, 筆者還有PPC,
這下頭大了, 究竟要用哪個才好呢? MAC的iCal和windows的outlook有著同樣的問題, 就是外出用不著。
用Google嗎? Google雖然可以匯入outlook / iCal的EVENT, 但難度要每更新一次, 就匯入一次嗎?
YAHOO的功能較差, 就別提了……
那到底要怎樣才好? 這個問題筆者至今仍未想到解決辦法……
現階段只是iCal + PPC, Desktop + PPC, PPC要兩邊都SYNC一次才可以
要是Google可以整合行事歷, 定期與ICAL/outlook同步, 就謝天謝地了!
緊接下來就是另一個更嚴重的問題, e-mail!
相信現在每個人都有數個e-mail戶口, 筆者為例, 分別有YAHOO, Gmail, hotmail,ISP MAIL和學校的MAIL。
這個是現階段最難解決的事, Gmail支援IMAP, 可以很輕鬆地在Mac的Mail上同步處理所有郵件。
但YAHOO要付費才提供POP功能, WINDOWS LIVE!也是付費才能用POP…..
於是筆者要檢查E-MAIL, 就要不辭勞苦的每個戶口登入一次…..
其實Windows LIVE有整合功能, 可以整合GMAIL戶口和其他POP 電郵戶口, 不過你自己的戶口也要收錢才有POP…嘆氣
最理想的情況, 要是所有E-MAIL戶口都支援IMAP / POP, 以後只要將所有電郵整合至一個戶口, 就把所有問題解決掉了!
不過, Google, Yahoo和Microsoft正在鬥個你死我活, 這事情會發生嗎?天呀….
由於篇幅關係(謎之聲 : 哪有人限制你的篇幅呀??),「令人眼花遼亂的WEB 2.0世代」將於下期再續,
下期將會談談IM, 相簿和BLOG服務, 萬勿錯過!
